ខ្សែចាប៉ី

គេមើលឃើញគ្រប់គ្នាថា ការចរចា គឺជាដំណោះស្រាយ។ តែ CPP ចង់ឲ្យទទួលស្គាល់លទ្ធផលឆ្នោត ឯCNRP ទាមទារឲ្យបោះឆ្នោតឡើងវិញ ព្រោះមានភស្តុតាង និងសាក្សីគ្រប់គ្រាន់បញ្ជាក់ពីការលួចបន្លំ។ តើត្រង់ណាជាចំណុចរួមនៃការចរចា?

ច្រកចេញតែមួយគត់គឺការបែងចែកអំណាច។ តើ CPP ហ៊ានកាត់ចំណែកដែលខ្លួនធ្លាប់ស៊ីទៅឲ្យ CNRP ទេ? ខ្លាធ្លាប់ស៊ីសាច់10kg បើឲ្យវាស៊ី5ឬ6kg វាស៊ីមិនឆ្អែតទេ។ តែបើតាមលទ្ធផលឆ្នោតលើកនេះ ប្រហែល CPP ហ៊ានលះបង់ចំណែករបស់ខ្លួន ដើម្បីចំណេញផលប្រយោជន៍នយោបាយទៅថ្ងៃមុខ។ ចំណែក CNRP វិញ ប្រៀបដូចនឹងខ្សែចាប៉ី “តឹងពេកដាច់ខ្សែ ធូរពេកអត់ពីរោះ”។ ដូច្នេះ CNRP ត្រូវតែធ្វើសម្បទានដ៏ធំមួយ គឺទទួលយកចំណែក ដែល CPP ចែកឲ្យ ដើម្បីបង្រួបបង្រួមជាតិ និងដោះស្រាយការជាប់គាំងនយោបាយ ហើយវាជាគ្រោះថ្នាក់ដ៏ធំរបស់ CNRP បានន័យថាខ្លួនទទួលស្គាល់លទ្ធផលលួចបន្លំ ដែលខ្លួនបានដឹង។ ទី1 បាត់បង់ការគាំទ្រ។ ទី2 CPP នឹងបន្តលួចទៀត ព្រោះគេមានអំណាច មានអាវុធ។ រឿងនេះមិនខុសពីកូនក្មេងលេងល្បែងជាមួយមនុស្សចាស់ទេ ដែលមនុស្សចាស់តែងតែមានប្រៀបជាង ព្រោះក្មេងខ្លាចចាស់។

រឿងយើង គឺយើងជាអ្នកដោះស្រាយ បើពឹងលើអ្នកទីបី ហើយគ្មានប្រយោជន៍ដល់គេ នោះគេមិនជួយយើងឡើយ។

អត្ថបទសាកល្បងដោយ៖ ណុល ដារ៉ា